Argjentina në kateder, Polonia kalon me …fat
Botërori 2022, Grupi C:
Poloni – Argjentinë 0-2
Arabi Saudite – Meksikë 1-2
Këtë mbrëmje në ‘Katar 2022’ u dhanë verdiktet edhe për Grupin C. Polonia dhe Argjentina janë dy skuadrat që kualifikohen për më tej duke vazhduar rrugëtimin në raundin e 1/16.
Argjentina mposhti Poloninë në shifrat 2-0 duke dominuar lojën. Polakët rezistuan vetëm pjesën e parë falë dhe Sheznit që priti një penallti të Mesit, ndërsa në të dytën argjentinasit u zhbllokuan.
Në fillim MekAlister për avantazhin e amerikano – latinëve, e më pas Alvaraez për të dyfishuar shifrat e për të vulosur fitoren që dërgon Argjentinën një stad më tej.
Sakaq, Meksika bëri detyrën ndaj Arabisë Saudite duke fituar me rezultatin 2-1 dhe duke barazuar polakët në renditje, por golavarazhi favorizon këta të fundit duke i dhënë të drejtën e kualifikimit.
Në fazën tjetër Argjentina përballet me Australinë ndërsa Polonia do të ketë përballë kampionët në fuqi, Francën.