Zgjohet Teuta, përmbys Egnatian në transfertë
Abissnet Superiore, Java 8:
Egnatia – Teuta 1-2 (Delarzh 64’/ Kotobelli 79′, Jazxhi 90+7′)
Sfida që ngriti siparin e javës së 8-të të Abissnet Superiore mes Egnatias dhe Teutës përfundoi me fitoren e durrsakëve në limite me rezultatin 1-2.
Minutat e para të sfidës prodhuan një lojë thuajse të barabartë ndërsa në vijim ishte Egnatia që u shfaq më kërkuese në zonën kundërshtare.
Rrogozhinasit pasi goditën shtyllën në 45 minutat e para, kërkuan me ngulm golin edhe në të dytë. Ai erdhi në minutën e 64′-të takimit dhe mban firmën e Delarzh. Një kombinim i bukur mes Mustës dhe Delarzh i cili kaloi në avantazh vendasit.
Goli i pësuar rriti lojën e skuadrës së Shkëmbit ndërsa skuadra durrsake intensifikoi sulmet në zonën e Egnatias derisa Kotobelli riktheu baraspeshën me një supergol nga distanca kur luhej e 79′-ta.
Ky gol i motivoi akoma më shumë miqtë që dominuan në minutat e mbetura teksa në fund të kohës shtesë gjetën dhe golin e fitores së parë sezonale. Një krosim në zonë nga ardhur nga këndi, dërgohet në rrjetë nga Jazxhi teksa luhej e shtata shtesë duke i dhënë Teutës avantazhin përfundimtar.
Kështu durrsakët marrin 3-pikëshin e parë në kampionat ndërsa Egnatia thyhet pas 5 ndeshjesh./Sara Gjidiaj/