Tetova ndahet me Egnatian
Humbja e sotme e Egnatias ndaj Teutës 1-2 i ka kushtuar stolin Edlir Tetovës te Egnatia.
Lajmi për largimin e durrsakut nga rrogozhinasit ka qarkuluar që herët. Ka munguar deklarata e klubit që duket se ka neglizhuar ta bëjë publike lëvizjen. Megjithatë vendimi është marrë dhe Tetova 39 vjeçar ka ndarë rrugët me rrogozhinasit.
Ai drejtoi Egnatian në dhjetë ndeshje: tetë në kampionat dhe dy në Kupën e Shqipërisë. Skuadra ka mbledhur vetëm 9 pikë pas 8 javëve kampionat.
Ndërkohë në media aludohen disa emra mes tyre Shpëtim Duro dhe Sulejman Starova.