Kastrioti merr 4 gola nga Malisheva
Në një postim në sociale ekipi i Superligës së Kosovës, Malisheva shkruan se ka mundur 4-0 Kastriotin e Krujës. Ndeshja është zhvilluar në Strugë dhe pati vlerën e një testi mes ekipëve të Superiores shqiptare dhe asaj kosovare.
Ekipi kosovar triumfoi falë golave të Bahtirit, Shillovës, Bajramit e Gavazajt. Sakaq, ky test duket se ka vënë para përgjegjësisë të gjithë futbollistët aktualë të Kastriotit dhe vetë teknikun Çela. Ish mbrojtësi, tashmë teknik i krutanëve, dy javë më parë tha se kishte parë një skuadër të dobët në miqësoren e luajtur në ‘Redi Maloku’ (0-0 me Dinamon)
Gjithësesi, nesër është programuar një tjetër miqësore, ndaj Vardarit të Shkupit në Ohër. Mundësia e radhës për të parë gjendjen reale të elementit në dispozicion.