Leva prezantohet te Blaugranët
Fati e deshi që të vishte fanellën e Barcelonës në moshën 33 vjeçare. Fati e deshi që Robert Levandovski të prezantohet nga Johan Laporta në Shtetet e Bashkuara të Amerikes. Aty ku skuadra po kryen fazën përgatitore.
Epike si ditë për polakun që la Bajrenin këtë verë për të nisur një aventurë të re në Barcelonë.
Fjalët e Levandovskit në prezantim:
“Jam shumë i lumtur që jam këtu. U bë një punë e madhe për t’iu bashkuar Barcelonës. E di që kemi shumë punë para nesh, por dje pashë potencialin e madh që kemi dhe jam i përgatitur që të bëhem pjesë e këtij klubi, që ka një histori të pabesueshme, por që ka edhe një projekt të madh drejt të ardhmes.
Në ditët e fundit kam mundur të bëj ndonjë seancë stërvitore, por jam gati të hyj në dinamikën e ekipit dhe shpresoj të luaj që në ndeshjen e ardhshme. Çdo gjë që ka ndodhur në ditët e fundit ka qenë e pabesueshme për mua, por kjo është pjesë e futbollit, që ecën shumë shpejt.
Si sulmues, shpresoj që të shënoj gola dhe të bëj çdo gjë të mundur që të fitojmë ndeshje, Ky është objektivi im i ri, në botën e futbollit duhet të kesh dëshirë për të fituar dhe jam në vendin më të mirë të mundshëm për ta bërë një gjë të tillë”