‘Wanda’ largohet nga Madridi, stadiumi pa …emër
Epoka e Wanda Metropolitana ka marrë fund. Jo për sa i përket stadiumit të Atletiko Madridit, i ndërtuar vetëm pak vite më parë, por për emrin e objektit, i cili, siç raporton AS, së shpejti do të ndryshojë.
Kontratës mes Atletiko-s dhe kompanisë kineze Wanda, i ka ardhur fundi dhe për shkak të rregullave të reja të qeverisë kineze, e cila preferon të minimizojë investimet jashtë vendit.
Kësisoji kompania nuk do të jetë në gjendje të rinovojë marrëveshjen me colchoneros, Në fakt kompania i ka paguar 50 milionë në pesë vitet e fundit për emërtimin e stadiumit.
Kështu nis një epokë e re e stadiumit vendas të Atletiko-s, me klubin që po punonte për të gjetur një sponsor të ri që mund të emëronte stadiumin në Madrid.