Ançeloti lartëson dyshen Modriç-Benzema

Mjeshtri i trajningut Karlo Ançeloti mbahet mend (dhe do të mbahet) për titullin i 10 Kampion Europe në Madrid. Në këtë aventurë të dytë me galaktikët italiani duket se ka gjetur sërish modulet e duhura për të mbajtur gjithnjë lart skuadrën e famshme ndërkoninentale.

Duke folur për eleminimin e PSG , trajneri i Real Madridit, lartëson paraqitjet e Karim Benzema dhe Luka Modriç, vendimtar për kualifikimin e blancos në çerekfinale të Ligës së Kampionëve.

Francezi shënoi hat-trick, kroati ishte protagonist i një paraqitjeje luksoze: “Ata gjithmonë përmirësohen. Ata kënaqen duke luajtur për këtë ekip, për këtë klub. Karim ishte i dëmtuar dhe ne kishim probleme në këtë drejtim, por tani ai është rikthyer.

Luka vazhdon të luajë gjithmonë në nivel të lartë. Ai po bën shumë mirë kudo që luan: herë e vendos në të djathtë, herë në të majtë, por ai gjithmonë ka dhënë dhe vazhdon të japë një kontribut shumë të rëndësishëm.”