Cikalleshi mbetet në Konia

Sulmuesi i Kombëtares Sokol Cikalleshi ka rinovuar kontratën me Koniaspor pjesëmarrës në elitën e kampionatit turk. Kavajasi 31 vjeçar do të vazhdojë të jetë i lidhur me skuadrën turke edhe për 3 vite të tjera, duke firmosur kontratën deri në vitin 2024.

Koniaspor vendosi t’i rrisë disi pagën bomberit kuqezi i cili te në Konia ka edhe lojtarin tjetër të kombëtares Endri Çekiçi.

Vetë kavajasi ka deklaruar pas akordit të radhës:

“Jam shumë i kënaqur që jam pjesë e një familjeje të madhe si Konyaspor. Dua të falënderoj presidentin, menaxherin dhe trajnerin që kontribuan në realizimin e këtij nënshkrimi.

Unë premtoj se do të luftoj deri në pikën e fundit të qëndrimit  tim. Kemi arritur një sukses të mirë këtë sezon. Kjo padyshim nuk është rastësi. Ne jemi këtu me një frymë ekipi.  Jam i sigurt se do ta mbyllim sezonin në një vend shumë të mirë.

Nesër kemi një ndeshje të rëndësishme të Giresunit. Shpresoj që të largohemi me një rezultat të mirë. Jam i sigurt që tifozët do të na mbështesin edhe më shumë tani e tutje. Jemi një familje e madh dhe kjo lidhje mes nesh do të vazhdojë deri në fund të sezonit, që do ta mbyllim në mënyrën më të mirë”.