Kukësi dhe Miliç u ndanë me …mirëkuptim
Ndryshe nga sa u ‘shit’ mediatikisht, Kukësi bën me dije se mes tij dhe mbrojtësi 22-vjeçar Aleksandër Miliç, ka patur një prishje kontrate me paraplqim të të dy palëve.
Njoftimi:
“Futboll Klub Kukësi njofton se ka ndërprerë bashkëpunimin me mbrojtësin malazez, Aleksandar Miliç. Klubi i Kukësit dhe mbrojtësi 22-vjeçar, kane gjetur gjuhën e përbashkët për prishjen e kontratës, megjithëse ishte firmosur pak javë më parë
Fillimisht klubi i dha mundësinë futbollistit të bashkohet me një tjetër ekip në forme huazimi, për të marrë minutat e nevojshme por edhe për t’u ambientuar, por futbollisti nuk e ka pranuar huazimin dhe në këtë mënyrë u vendos për të ndërprerë bashkëpunimin. Futboll Klub Kukësi e falënderon Milic dhe i uron suksese në të ardhmen”, thuhet në deklaratën e klubit.