Brdariç: Të kalojmë këtë moment delikat

Kryesoi për javë të tëra dhe u shkëput me 9 pikë nga ndjekësja më e afërt por Vllaznia dorëzoi kreun javën e kaluar kur u mund befas nga Bylis 1-2 në ‘Loro Boriçi’.

Megjithatë trajneri Brdariç i cili u shkarkua, u kthye u gjobit u ‘fal’, shprehet optimist se skuadra do të garojë sërish për titullin kampion. Ka marrë një kualifikim në gjysmëfinalen e Kupës së Shqipërisë duke mos bindur plotësisht me Korabin (1-0) dhe nesër ushëton drejt Kamzës për tu ndeshur me Kastriotin. Skuadrën që i solli ‘tersin’…

Brdariç:

Më e qetë skuadra?

“Ndihemi shumë më mirë. Kaluam në Kupë dhe skuadra mendoj se ka luajtur mirë. Tani të përqëndrohemi në kampionat dhe të japim 100% ndaj Kastriotit”

Situata?

“Gjëja më e mirë është ta mbyllim atë çështje dhe të mos e marrim në aspektin personal. Nuk duhet të fokusohemi aspak tek ajo çështje. Duhet që të gjithë të përqendrohemi maksimalisht në fushën e blertë. Duhet tu tregojmë të gjithëve se jemi të përkushtuar plotësisht për ta kapërcyer këtë moment delikat që po kalojmë. Duhet të tregojmë forcë dhe përkushtim”.

Gjendja fizike e skuadrës?

“Çështja është se ekipi mund të gëzojë formë të mirë fizike, por i gjithë ky presion në mënyrë të pashmangshme ka ndikim e vet tek skuadra. Ne duhet të pyesim veten se ku ndodhemi për momentin dhe duhet të flasim me lojtarët. Duhet te jemi të hapur me njëri-tjetrin dhe të flasin në mënyrë pozitive”

Objektivët?

“Jemi ende të motivuar. Kemi siguruar gjysmëfinalen e Kupës dhe gjithashtu në kampionat jemi ende në garë. Kjo na motivon edhe më shumë për të dhënë më të mirën”.