Shpëtim Duro në seancën e parë me bardhezinjtë…
Nga:Isuf Myrtaj
Debuton nesër në krye të Laçit, Shpëtim Duro përcjell optimizëm te skuadra e re.
Shpëtim Duro në të parën seancë përgatitore si trajner i parë me Laçin. Referuar orarit të ndeshjes së nesërme në ‘Niko Dovana’ 16:45 me Teutën, kurbinasit shfrytëzuan mjediset e kompleksit të Kamzës për t’u ushtruar me një seancë disi impenjative.
Pasi u takua paraprakisht me skuadrën, tekniku i bardhezinjëve Shpëtim Duro ndërsa vetëm mbrëmë firmosi për kurbinasit, filloi nga metodikat e tij në terren. Shpesh u pa me udhëzime të lojës së ndaluar…
Duro, e ka të pamundur nesër të ketë shërbimet e Albion Markut dhe Lukas Ramos, ndërsa pjesa tjetër është e gjitha në dispozicion.
Për t’u parë kompozimi i ri i bardhezinjëve nesër pasi tekniku la pak për të kuptuar se me cilët do prezantohet ndaj durrsakëve. Me gjasë, vetëm për këtë takim, do këshillohet ndjeshëm me ndihmësit.