Ibrahimi: Duhej të vija më herët në Shqipëri
Tetovari Agim Ibrahimi në Kukësi- Laçi, ishte ai Ibrahimi i kohëve të arta teksa aktivizohej me Kaljarin në Seria A apo Mariborin në Slloveni.
Mesfushori me tipare sulmuese jo vetëm shënoi një gol vendimtar në të 43-tën por i dha gjallëri grupit të ri të Kukësit duke përshtejlluar mesfushorët dhe mbrojtjen kurbinase në disa raste.
I pyetur para takimit se përse ai vendosi të vinte te Kukësi, ish lojtari i Shkëndijes së Tetovës tha se e mira do kishte qenë të zbarkonte në Shqipëri para 5 vitëve.
“Jemi përgatitur për të dalë me tri pikë sot”, tha numri 10-të teksa po dilte nga dhomat e xhveshjes.
Te Kukësi?
“Në fakt duhej të vija 5 vite më parë në Shqipëri. Po kuptoj sa kam humbur nga mungesa e një kampionati aq të fortë fizikisht. Kampionat i ashpër, më kujton Slloveninë”.
Obanor:
Mbrojtësi nigerian i Laçit, Erhun Obanor, nuk po kalon momente të mira fizike. Dje ai u pa para takimit duke biseduar me ish- shokët e skuadrës kuksiane me të cilët u nda vetëm pak muaj më parë.