Matuidi, transferimi madh i Inter Miamit…
Juventus kanë konfirmuar largimin e Blaise Matuidi, para transferimit të tij te Inter Miami. Mesfushori francez do të lidhet me skuadrën e David Bekham, pasi ka përfunduar të mërkurën kontratën e tij me bardhezinjtë e Torinos.
Matuidi, 33 vjeç, iu nënshtrua testeve mjekësore në Paris në fillim të kësaj jave, duke u bërë nënshkrimi i parë i madh i Miamit. Francezi largohet nga Juventus pas tri sezoneve, duke fituar titullin në Serie A në çdo sezon. Ai iu bashkua me bardhezinjtë nga Paris SG në 2017, kur kishte fituar katër tituj të Ligue 1.
Por kulmi i madh sportiv për Matuidi erdhi në vitin 2018, kur ai luajti një rol kyç në fitoren e Botërorit të Francës, në të majtën e një mesfushe me katër lojtarë. Vazhdimi i karrierës së mesfushorit francez, është një bonus për Inter Miamin në kampionatin e MLS-së.
