Drita ka shpresë, shtyhet vendimi…
Ka përfunduar mbledhja e mbajtur nga Komisioni Disiplinor për rastin e ndeshjes së anuluar dje mes Dritës dhe ekipit irlandezo-verior Linfield Belfast për llogari të turit paraeliminator në Champions.
Pas rasteve me infeksion të lojtarëve të Dritës, UEFA pezulloi ndeshjen dhe klubi nga Gjilani u nis sot drejt Kosovës.
Një çështje serioze që kalon në Apelin e UEFA-s.
“Duke pasur parasysh rrethanat urgjente të kësaj çështje, të cilat mund të kenë një ndikim të rëndësishëm në drejtimin më të lehtë të Ligës së Kampionëve të 2020/21 UEFA dhe bazuar në nenin 29 (3) të Rregullores së Disiplinës të UEFA-s, dëshiroj t’ju informoj se unë kam vendosur që këtë çështje t’i drejtohem direkt Organit të Apelit të UEFA-s për një vendim”- shkruhet në njoftimin paraprak.
Ndërkaq, data e vendimit nga organet e Apelit te Uefa-s nuk janë bërë të ditura.
