Drita merr rrugën e kthimit…
Drita e Gjilanit niset për t’u kthyer nga Nioni në Kosovë. Në turneun paraeliminator, skuadra e Nuhiut mundi Inter Escaldes me rezultat 2-1, ndërsa dje, pas peripcive me futbollistë të infektuar, UEFA pezulloi ndeshjen e gjilanasëve me Linfield Belfast.
UEFA ende nuk e ka marrë një vendim zyrtar rreth fatit të takimit, por sipas të gjithave gjasave, Drita do të eliminohet në tavolinë.
Ndërkaq, sekretari i përgjithshëm i FFK-së, Eroll Salihu, ka deklaruar për ‘Gazetën Express’ se Federata Kosovare e Futbollit, po e përgatitë një shkresë protestë ndaj UEFA-s.
“Nuk mund ta predikojmë fatin e ndeshjes. Por ne sot jemi duke e përgatitur një letër proteste që do ta dërgojmë në UEFA. Sigurisht se menjëherë do ta publikojmë atë letër edhe në uebfaqen zyrtare të FFK-së dhe do ta shihni përmbajtjen. Kaq mund të them tash për tash”, tha Salihu .