Pogradeci, të hënën zbret në fushë…
Trajneri i skuadrës së Pogradecit, Ardian Abazaj, ka pohuar për “SportiIm.al” se skuadra e “liqenorëve” do të zbresë në fushën e stërvitjes pasditen e ditës së hënë.
“E rendësishme është fakti që pas përfundimit të sezonit nga skuadra nuk na janë larguar lojtarë. Në përbërje të skuadrës sonë do të jenë ata futbollistë e që e mbyllën kampionatin e kaluar,”- të thotë mes të tjerash trajneri i njohur pogradecar.
Ndërkohë drejtuesit e skuadrës “liqenore” kanë kanë arritur të bëjnë edhe afrimin e parë në skuadër. Bëhet fjalë për portierin Mateo Baci, që kampionatin e kaluar ka qenë pjesë e skuadrës së Tërbunit.
Numri një i pankinës së Pogradecit, Ardian Abazaj, pohon se në ditët në vazhdim do të shikohet mundësia edhe për ndonjë afrim tjetër cilësor.
Nga Nderim GOCI