Shtoger, drejtor dhe trajner i Austria Vienë
Peter Shtoger do të marrë përsipër për një sezon edhe rolin e trajnerit të skuadrës Austria Vienë, pjesëmarrëse në Bundesligën 1, ka njoftuar klubi kryeqytetas austriak.
Ish-trajneri i Këlnit dhe Borusia Dortmundit, do të mbetet si drejtor sportiv, por dhe do të veprojë si “Drejtori i Përgjithshëm Sportiv” në sezonin e ardhshëm, bazuar në modelin anglez të klubeve.
Pasi Kristian Ilzer, anulloi befasisht kontratën e tij si trajner i Austria Vienë dy javë më parë, 54-vjeçari Shtoger vendosi që “të marrë përsipër këtë pozicion për një vit në këtë fazë të vështirë”.
Gjermani Peter Shtoger ka theksuar, se situata aktuale e buxhetit të klubit, mjedisi i pasigurt i shkaktuar nga pandemia e koronës, kishin ndikuar në procesin e kësaj vendimmarrjeje.