Banjaja për notën ’10’, Markez rikthen shpresën në Herez

Nga Sporti Im 8 muaj më parë

MotoGP e impenjuar këtë fundjavë në Herez (Spanjë) rezultoi efikase për italianin e Dukati, Françesko Banjaja teksa rikthehet për të fituar. Një garë brilante për të arritur suksesin e tretë radhazi në pistën e Herez.

Gara e dy herë kampionit të MotoGP ishte thjesht perfekte që në xhiron e parë, ku ai arriti të kompletonte parakalimin më të mirë të viteve të fundit me një lëvizje frenimi nga jashtë ndaj Martin dhe Bexekit.

Për italianin me numrin 1 ka 20 fitore në klasin më të lartë dhe dy të shënuara këtë vit. Kjo fitore shkurton renditjen dhe e çon Banjajan në vendin e dytë në renditje, 17 pikë prapa Horge Martin që ishte shumë i shpejtë edhe dje.

Podiumi i Mark Markez sjell shijen e një rilindjeje, duke luftuar për fitoren deri në xhirot e fundit. Mbyllja e podiumit është një Marko Bexeki i rilindur, i cili ruajti një ritëm të lartë për gjatë garës.

MotoGP do të kthehet në pistën për Çmimin e Madh të Francës në pistën historike Le Mans në fundjavën e 12 majit me fillimin e garës të planifikuar për në orën 14:00.

Mbërritja në Herez:

  1. F. Banjaja (DUCATI LENOVO TEAM)
  2. M. Markez (GRESINI RACING MOTOGP)
  3. M. Bexeki (PERTAMINA ENDURO VR46)
  4. A. Markez (GRESINI RACING MOTOGP)
  5. E. Bastianini (DUCATI LENOVO TEAM)
  6. B. Binder (RED BULL KTM FACTORY RACING)
  7. F. Di Xhanantonio (PERTAMINA ENDURO VR46)
  8. M. Oliveira (APRILIA TRACKHOUSE RACING)
  9. M. Vinjales (APRILIA RACING)
  10. P. Akosta (RED BULL GASGAS TECH3)
  11. R. Fernandez (APRILIA TRACKHOUSE RACING)
  12. J. Mir (REPSOL HONDA TEAM)
  13. A. Rins (MONSTER ENERGY YAMAHA MOTOGP)
  14. T. Nakagami (LCR HONDA IDEMITSU)
  15. F. Kuartararo (MONSTER ENERGY YAMAHA MOTOGP)
  16. S. Bradl (LCR HONDA CASTROL)
  17. L. Marini (REPSOL HONDA TEAM)
  18. rit. A. Fernandez (RED BULL GASGAS TECH3)
  19. rit. F. Morbideli (PRIMA PRAMAC RACING)
  20. rit. J. Miler (RED BULL KTM FACTORY RACING)
  21. rit. L. Savadori (APRILIA RACING)
  22. rit. J. Martin (PRIMA PRAMAC RACING)
  23. rit. J. Zarko (LCR HONDA CASTROL)
  24. rit. A. Espargaro (APRILIA RACING)
  25. rit. D. Pedroza (RED BULL KTM FACTORY RACING)

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!