Kallaku hipën në ‘Lokomotivë’
E pranoi te Rubrika Sportive në Radio Tirana të hënën gjatë një bisede telefonike ndërsa sot Sherif Kallaku duket se ka mbyllur marrëveshjen me Lokomotivën e Zagrebit.
E raporton ‘Supersport’ duke e konsideruar të mbyllur tratativën teksa pritet vetëm zyrtarizimi. Sherif Kallaku, fantazisti 22 vjeçar pason kështu disa futbollistë shqiptarë të cilët nën lupën dhe mbështetjen e ish-trajnerit të Laçit, Besnik Prenga (aktualisht skaut i zagrebasve) po atashohen te Lokomotiva Zagreb.
Ndërkaq,Teuta klubi aktual i mesfushorit përfiton 150 mijë euro të bëra publike në rrugë jo zyrtare nga shitja e Kallakut. Si në rastin Uzuni kur u largua nga Laçi drejt Lokomotivës, edhe durrsakët do të mbajnë 10% të vlerës së kartonit të lojtarit. gjithnjë nëse Kallaku do të shitet një ditë nga Lokomotiva.