FIFA, 1.5 mld. USD ndihmë për futbollin…

FIFA po ecën përpara me planin e saj anti-Covid-19, për të cilën po shpenzon 1.5 miliardë dollarë në ndihmë të futbollit. Plani u hartua fillimisht nga administrata e FIFA, në bashkëpunim të ngushtë me konfederatat, dhe u miratua më pas nga Këshilli i FIFA-s. Plani përcakton kërkesat e rrepta të respektimit dhe kontrollit, nën mbikëqyrjen e një komiteti drejtues.

“Ky plan mbështetje është një shembull i shkëlqyer solidariteti dhe përkushtimit ndaj futbollit në një kohë të paparë,”- ka deklaruar presidenti i FIFA-së, Xhani Infantino. – Unë dëshiroj të falënderoj kolegët e mi në Byronë e Këshillit për miratimin e vendimit për të ecur përpara me këtë iniciativë të rëndësishme për përfitimin e të gjitha federatave dhe konfederatave anëtare”.

Në fazën e parë të planit, të gjitha fondet e “FIFA Forward” për shpenzimet operative janë transferuan në shoqatat anëtare. Në fazën e dytë, federatave anëtare u është dhënë mundësia që lojërat e “FIFA Forward” të kthehen në fonde operative për të lehtësuar krizën e shkaktuar nga Covid-19. Të paktën 50% e fondeve të transferuara duhet të investohen në futbollin e femrave.

Pasi Byroja e Këshillit të miratojë sot projektin, FIFA do të kalojë në fazën e tretë të planit, i cili plotëson 1.5 miliardë dollarët që janë vënë në dispozicion të komunitetit botëror të futbollit. Faza 3 do të përbëhet nga sa vijon:

Grantet: Të gjitha federatat anëtare të FIFA-s do të kenë në dispozicion një grant solidariteti prej 1 milion dollarësh dhe një tjetër më shumë prej 500,000 dollarë që do t’i kushtohet posaçërisht futbollit të femrave. Po kështu, konfederatat do të kenë të drejtë për një grant prej 2 milionë dollarësh. Shuma e plotë do të transferohet nga tani deri në janar 2021.

Kredi: Të gjitha shoqatat anëtare të FIFA-s do të jenë në gjendje të kërkojnë kredi, pa interes deri në 35% të të ardhurave të tyre të audituara vjetore. Për hir të solidaritetit, do të sigurohet mundësia e kërkimit të huave, minimumi prej 500,000 dollarësh dhe maksimumi prej 5 milionë dollarësh. Për më tepër, secila nga konfederatat, do të ketë mundësinë e marrjes së kredive deri në 4 milionë dollarë.

Në kuadër të fazës së tretë, të gjitha shoqatat anëtare të FIFA-s do të jenë në gjendje të përdorin fondet që synojnë rinisjen e garave, vendosjen e protokolleve për kthimin në futboll, pjesëmarrjen e ekipeve në turne, rekrutimin e stafit, mirëmbajtjen infrastruktura e futbollit dhe pagesa e shpenzimeve administrative dhe operative, ndër të tjera.