Enrike, kandidat për në Federatën Spanjole
Katër vitet e ardhshme premtojnë të jenë shumë aktive për Luis Enriken, në kuadër të pjesëmarrjes së tij në Federatën Spanjole të Futbollit. Përveç funksioneve të tij si trainer i kombëtares, ai gjithashtu mund të shtojë praninë e tij, si anëtar i Asamblesë së Përgjithshme të RFEF.
Këto zgjedhje do të mbahen më 20 korrik, para zgjedhjeve presidenciale të planifikuara për më 17 gusht, ku presidenti aktual, Luis Rubiales, paraqitet si kandidati i vetëm për kolltukun presidencial të futbollit spanjol.
Dhe pse trajneri asturian Luis Enrike është në mesin e tetë kandidatëve të miratuar më 24 qershor nga Komisioni Zgjedhor i RFEF, ai është i preferuari i kolegëve të tij për t’u bërë pjesë e organeve drejtuese në Federatën Spanjole të Futbollit.
Duke parë edhe precedentët, Julen Lopetegui ka qenë anëtar i këtij organi gjatë kësaj përbërje të fundit të federates që drejtohej nga Angel María Vijar, zgjedhja e trajnerit asturian Luis Enrike duket krejt e sigurtë.