Ndreu i bindur, ngjitja formalitet
Kastrioti zbriti që dje në seancë për të përgatitur takimet e mbetura në Kategori të Parë. Ramazan Ndreu, pohon se futbollistët pavarësisht kohës në dispozicion, do t’i nënshtrohen seancave me ngarkesë të lartë.
” Me protokollin shëndetësor si udhërrëfyes, kemi zbritur për tu bërë gati.Pushimi dy mujor, ka ndikuar jo pozitivisht në formën individuale për secilin futbollist. Shpresoj që me këmnguljen dhe seriozitetin e tyre të arrijnë parametrat optmial”
Krutanët janë të shkëputur me diferencë pikësh ndaj skuadrës së Besëlidhjes, që mban vëndin e dytë. ” Pavarësisht se jemi shkëputur me pikë nga vendi i dytë, ndeshjet do ti vlerësojmë në të gjithë drejtimet.
Ne po përgaditemi që sezonin e ardhëshëm të jemi pjesë e Superiores, i cili ka qenë objektivi primar qysh në fillim të kampionatit” – tha Ramazan Ndreu.
