Konte shtyn në 20 qershor futbollin italian…
Rifillimi i Serisë A mund të spostohet nga 13 qershori në 20 qershor. Kjo për shkak se dekreti kryeministror i 17 majit, i firmosur nga kryeministri Xhuzepe Konte, ndalon të gjitha garat sportive deri më 14 qershor.
“Ngjarjet sportive dhe garat e të gjitha llojeve dhe disiplinave janë pezulluar, në vende publike ose private”, – thuhet në dekret.
Qeveria pret të dhëna të mëtejshme për infeksionin dhe nëse ato janë në favor të shëndetit publik, dekreti i kryeministrit mund të modifikohet.
Ndërkaq, Liga ka formuluar korrigjimet e saj me shkrim, të cilat tani janë duke u shqyrtuar nga qeveria dhe Komiteti Shkencor Teknik.
Çështjet që do të zgjidhen kanë të bëjnë me karantinën, në rast pozitiviteti, organizimin e grumbullimëve dhe çështja e përgjegjësisë penale të mjekëve të klubeve.
