Kombëtarja e mjekëve merr ‘topin’
“Mjekët, kombëtarja jonë”, zbret në fushë dhe takon heronjtë e dites. Ata që prej mesit të marsit janë në terrenin e tyre të luftës me Covid-19.
Siç kishte premtuar, FSHF ka shpërndarë mesditën e sotme, fanela të kombëtares dhe topa për mjeket dhe infermierët e spitalit infektiv dhe atij ‘Shefqet Ndroqi’ në kryeqytet.
Përfaqësues të institucionit të Futbollit, u panë sot teksa dorëzonin dhurata me logon e FSHF-së, mjekeve dhe infermierëve në këto dy pika stacionare të luftës së pashembullt, që po bëjnë për të shpëtuar njerëz të prekur nga Koronavirusi.