Kampionat i përfunduar? Belgjika rishikon vendimin…
Takimi i asamblesë së përgjithshme belge, në program të mblidhej sot, u shty për një ditë tjetër. Ajo pritet të përcaktojë fatin e kampionatit belg, i cili në 25 mars përmes Këshillit Administrativ të Pro League, deklaroi përfundimin e sezonit.
Takimi ishte planifikuar fillimisht për 15 prill, por Pro League shpalli sërish një shtyrje të re. Në pritje të vendimeve të Qeverisë dhe Këshillit të Sigurisë Kombëtare, i cili të premten do të vlerësojë situatën në lidhje me ngjarjet e fundit të Koronavirusit.
Reagimi i fortë i UEFA-s, e cila ftoi belgët të mos merrnin vendime të nxituara, duke theksuar se mund të aplikojë përjashtimin nga kupat europiane, duket se ka përshtjelluar vetë drejtuesit e Federatës së Futbollit të Belgjikës.