Fiorentina, kërkon Kovaç për stolin
Fiorentina me pronarin e ri Komiso, zjen. Që pas ardhjes në krye të vjollcëve, bosi i klubit me biznese në Shtetet e Bashkuara, shkarkoi 4 muaj më parë Montelen, dhe vendosi Iakinin.
Gjithësesi, sipas mediave kroate edhe pse kohë emergjence të COVID-19, kreu i skuadrës së Fiorentinës Roko Komiso, ka në plan të ndryshojë sërish.
Ata raportojnë se Niko Kovac është një kandidat potencial për postin e menaxherit të ri të Fiorentina. Nëse ish-trajneri i Bajernit do ulej te pankina vjollcë, do të takonte dhe patriotët Milano Badelj dhe Josip Maganjiç.
Më herët në listë për postin e teknikut te skuadra e Serisë A, janë lakuar emrat e Emeri, Poçetinos, Blank dhe Spaletit.