Kombëtarja e Zvicres heq dorë nga …paratë
Lojtarët e ekipit kombëtar të Zvicrës dhe tekniku Vladimir Petkoviç, kanë vendosur të heqin dorë nga një pjesë e mirë e kompensimit financiar (mbi një milion franga) që duhet të kishin marrë nga Federata Zvicerane e Futbollit.
Kjo pas krizës ekonomike, pasojë e pandemisë koronavirus. “Në raste si këto ne duam dhe duhet të qëndrojmë së bashku dhe të ndihmojmë njëri-tjetrin. Lojërat e vështira fitohen së bashku,“- tha Petkoviç.
Ndërkaq edhe kapiteni Stefan Lishteiner komentoi rastin duke thënë: “Me këtë gjest ne kemi dashur të dërgojmë një sinjal solidariteti dhe të demonstrojmë lidhjen tonë me Federatën e Futbollit zviceran”.
