Nejmar në Brazil, Verrati në Paris…
Mbyllja e kampionatëve elitare të Europës për shkak të COVID-19, ka bërë që shumë futbollistë të klubeve të marrin udhën drejt shtëpive të tyre.
Kështu futbollistët e PSG, Nejmar dhe Tiago Silva në ditët e para të kësaj jave, fluturuan për në Brazil për të qëndruar gjatë pezullimit të garave në shtëpi.
Siç raportohet nga gazeta ‘Le Parisien ’, të dy lojtarët u kthyen në shtëpi para shtetrrethimit të vendosur nga Presidenti i Francës Emanuel Makron i cili dje në mesditë, deklaroi se kufinjtë e Francës janë të mbyllur.
Ndërkaq Marko Verrati, lojtari italian i PSG dhe mesfushori i kombëtares ‘axure’, ka mbetur në Paris.