Stadiumi ‘Kastrioti’ kthehet në…kantier
Mjaft më në ‘Redi Maloku’ të Fushë-Krujës. Skuadra e Kastriotit prej dy edicionëve ka gjetur strehë te fqinjët pasi impinati i tyre në Krujë, nuk ka përmbushur kriteret e vendosura nga Sektori i Garave pranë FSHF-së.
Madje edicionin e kaluar teksa krutanët garuan në Kategorinë Superiore, për shumë nga specialistët e krutanëve, rrëzimi ka ardhur nga ky fakt. Luajtja jashtë shtëpie.
Ndërkaq, nga sot stadiumi është përfshirë nga zhurma e mjetëve motorike. Më në fund, Bashkia Krujë në bashkëpunim me klubin, kanë nisur punimet te impianti i tyre sportiv.
‘Sporti im.al’ mëson se ritimi i punës do të përfshijë rikontruksionin e plotë dhe me gjasë stadiumi ‘Kastrioti’ do të jetë gati e efiçent për sezonin e ri futbollistik 2020-2021.
Në Krujë janë të bindur për ngjitjen në elitë dhe ribërja e stadiumit me të gjitha kushtet e domosdoshme, ngjan me një ‘dhuratë’ për skuadrën e Ndreut.
