Shkëmbi i bindur: ‘Do të drejtoj Skënderbeun…’
Bledi Shkëmbi shfaqet i sigurtë në deklarata, ndërsa pohon me bindje se: ‘një ditë do drejtoj Skënderbeun’.
Ish- kapteni legjendar i korçarëve, pas largimit nga futbolli i luajtur, nisi rrugën e trajningut duke bërë debutimin në Ipko me Lirinë e Prizrenit.
Më pas Shkëmbi, u bashkua me Teutën teksa për afro dy sezone drejtoi teknikisht durrsakët. Madje duke i udhëhequr gjatë verës edhe në Europa League.
Sot Bledi Shkëmbi pas largimit nga ‘djemtë e detit’ ndjek si tifoz Skënderbeu- Teuta për javën e 23-të.
Para takimit korçari duke analizuar prag sfidën tha për ‘Gol pas Goli’ se e ka të sigurtë që do drejtojë në të ardhmen Skënderbeun.
‘Po. Jam i sigurtë që do të drejtoj Skënderbeun‘– tha ndër të tjera ikona korçare.