E thonë analistët, Skamaka, sulmuesi kryesor i Italisë, Gjimshiti e …njeh
A është Skamaka sulmuesi i Atalatës, ai që Shqipëria do duhet ta mbajë në evidencë në ndeshjen hapëse të Grupit B në Euro 2024? Përgjigjen pritet ta japë…Gjimshiti.
Në fakt, paraditen e djeshme teksa bergamaskët ishin para ndeshjes në ‘Velodrome’ me Marsejën për gjysmëfinalen e vajtjes të Europa League (1-1) ‘Rai Sport’, në analizën paraprake, e konsideroi 25 vjeçarin si njeriun e pritëshëm të sulmit të ‘Axurëve’ në ‘Gjermani 2024’.
Analistët thanë mes të tjerave, se gjigandi i sulmit te skuadra e kapitenit të Kombëtares kuqezi Berat Gjimshiti, ishte duke kaluar një lëndim të lehtë dhe se Skamaka mund ta niste nga stoli. Megjithatë Gasperini e hodhi në fushë që nga minuta e parë dhe gjigandi (1.96 m) i lindur në Romë i dha avantazhin provizor Atalantës teksa në të 11′ shënoi një gol tipik zone.
Në fakt, Xhanluka Skamaka te Atalanta, është paraqitur në shumicën e ndeshjeve të Serie A në sezonin 2023/2024, duke bërë 24 paraqitje në total dhe duke luajtur 1150 minuta. Ai është përzgjedhur në formacionin fillestar në 13 nga këto paraqitje në 33 ndeshjet e tyre dhe ka hyrë si zëvendësues në 11 raste.
Në përgjithësi, në karrierën e tij në Serie A, ai ka luajtur 89 ndeshje në këtë kompeticion, me 33 gola të shënuar dhe gjashtë asistime.
Skamaka më herët pjesë e Sasuolos, në edicionin 2022/2023 luajti te Uest Hem në Premier League për t’u bashkuar me bergamaskët gjatë këtij edicioni.
Sulmi i Italisë së Spaletit:
Sulmuesit e Italisë, grubulluar nga trajneri Luçiano Spaleti gjatë nëntorit të kaluar për miqësoret me Maqedoninë e Veriut dhe Ukrainën (17 dhe 20 nëntor 2023).
Domeniko Berardi, Federiko Kieza, Stefan El Sharau, Moise Kin, Mateo Politano, Xhakomo Raspadori, Xhanluka Skamaka, Nikolo Zaniolo.