Ronaldo është aty…35 vjeç, 35 gola në 35 ndeshje…
Kupa e Italisë: Milan- Juventus 1-1 (Rebiç 61′ Ronaldo 90+1)
Pas dështimit të Interit mbrëmë me Napolin 0-1, sonte u luajt gjysmëfinalja e dytë ajo mes Milanit dhe Juventus.
Pas humbjes në derbi, Milani kthehet protagoniste e një tjetër ndeshje pozitive por të pafat në Kupën e Italisë. Shënon e para por nuk arrin të mbajë fitoren, e barazuar në minutat e fundit nga Ronaldo.
Kundër Juventusit kampione të Italisë, kuqezinjtë luajnë me ritëm të lartë dhe rrezikojnë disa herë portën e veteranit Bufon, por legjenda bardhezi thyhet vetëm në minutën 61 me kroatin Rebiç.
Juventusi pas humbjes në kampionat me Veronën, arrin barazimin mes polemikave në çastet e fundit, falë një penalltie të vendosur për një prekje me dorë gjatë një veprimi magjik të Ronaldosnë zonë. Portugezi nuk gabon rastin e artë nga 11 metra larg 1-1.
Barazimi mban pezull kualifikimin për në finale, edhe pse tashmë Juventusi duket i favorizuar për ndeshjen e kthimit në Torino në javën e parë të marsit.
Ronaldo me 24 gola me Juvën dhe 11 me Portugalinë, këtë sezon, plotëson një tjetër 35….
