Njeriu i ndeshjes, nuk i shpëton ndëshkimit…
Mbreti i së ardhmës në Madrid, ndëshkohet nga Federata Spanjolle.
Federiko Valverde, uruguajani 21 vjeçar, me gjestin e ndërhyrjes ‘vandale’ ndaj Moratës pak minuta para se Real- Atletiko Madrid ti drejtoheshin gjuajtjve nga pika e penalltisë, i dha ‘hov’ madrilenëve të bardhë për tu afruar me trofeun e Superkupës së Spanjës në Arabinë Saudite.
Për këtë gjest, mesfushori i ‘galaktikëve duhet të vuajë dënimin e rastit.
Komiteti i Garës në Federatën Spanjolle të Futbollit përjashtoi për një ndeshje mesfushorin i cili në pak kohë, po kofigurohet si pikë e fortë e Realit të Zidan.
Komisioni i Garës pati parasysh pamjet filmike dhe raportin e arbitrit të finales Sançez Martinez.
Kështu, “Lojtari i ndeshjes” Real Madrid-Atletiko Madrid, (4-1 pas penalltive) Valverde, do vuajë mungesën e një takimi.