Shqipëria U-18, humbje tjetër në miqësore…
Miqësore: Rumani U-18- Shqipëri U-18 4-1
Pas humbjes së dy ditëve më parë, 2-0 me homlogët rumunë, 18-vjeçarët e Shqipërisë, të drejtuar nga trajneri Olsi Uku, janë mundur sërish sot.
Turpërimi vjen nga e të njejta skuadër në Buftea të Rumanisë. Këtë radhë, ekipi i “ukut”, në Qendrën Stërvitore të Federatës Rumune të Futbollit, e kanë pësuar më keq pasi shifrat përfundimtarë kanë qënë 4-1.
Sikundër në takimin tjetër, edhe sot, formacioni U-18, pësoi dy gola të shpejtë (6’,22’) ndërsa në pjesën e dytë, historia rezultoi ndryshe.
Skuadra qëndroi në lojë deri në të 71’-tën, ndërsa në këtë minutë dhe në të 80-tën, merr dhe 2 gola të tjerë, duke u shpërfytyruar tërësisht.
Gjithësesi, Shqipëria e’vogël’ ngushëllohet në shtesë, teksa shënon golin e nderit.