Rikthehet derbi, Vllaznia fiton në Lezhë…
Miqësore në “Brian Filipi”: Besëlidhja-Vllaznia 0-1 (G. Lika 20’ (p)
Rikthehet derbi tipik i Veriut. Besëlidhja e Lezhës dhe Vllaznia e Shkodrës, dikur ziheshin si “macja me miun”, teksa dy dekada më parë, takimet mes tyre ktheheshin në festë-grintë.
Ndërkohë, sot pas shumë kohësh, takohen në një miqësore. U luajt në “Brian Filipi” dhe në fund ka fituar skuadra e Superiores – Vllaznia. Ndeshja pati interesim të shumë tifozëve dhe specialistëve, që ishin në numër të lartë në tribunë.
Goli i vetëm i fitorës së kuqebluve, erdhi nga pika e bardhë, teksa G. Lika ktheu në gol nga pika e penalltisë.
Trajnerët, Jonuz për shkodranët dhe shkodrani Plori për Besëlidhjen, provuan shumë nga lojtarët që patën në dispozicion.