Batistuta, e dua Firencen…
Gabriel Omar Batistuta, ish goleadori famshëm i Fiorentinës përgjatë viteve 1991-2000, ka folur më superlativa për blerjen e klubit “vjollcë” nga Roko Komiso. Batistuta në harkun kohor si futbollist me toskanët, arriti të shënojë 168 gola. Sot, në një dalje publike për ‘Lady Radio’ Batigol, i pyetur lidhur me një rikthim të mundëshëm në hallkat drejtuese të Fiorentinës, ka thënë:
“Nëse vertetë Fiorentina mendon për mua, do të isha shumë i lumtur. E dini besoj se çfar përfaqëson te unë Firence dhe fanela vjollcë. Këto ditë kam parë entuziazëm të jashtëzakonshëm për mbrritjen e presidentit Roko Komiso. Besoj se po fillon një aventurë e bukur për shoqërinë “viola”,-tha argjentinasi 50 vjeçar.
