Ferronikeli në “majë”, dy trofe brenda javës
● Ferronikeli pas titullit kampion, fiton thellë ndaj Trepça ’89 (5-1) duke bërë të vetin edhe Kupën e Kosovës.
Ferronikeli sërish në majë. Këtë herë, përpara se të luajë turin paraeliminator në Champions, fitoi Kupën e Kosovës, duke dëshmuar se mbetet skuadra e momentit në Kosovë.
Ndaj Trepça ’89, ekipi i Ramadanit, përpos faktit që luajti në mënyrë fantastike, arriti të shënojë 5 gola e pësuar 1.
Fazliu dhe Hoti në pjesën e parë dhe Morina e Rexha dy herë në të dytën, plotësuan “maniten” e drenasve, të cilët pësuan njëherë të vetme me anë të Mujës.
Shifrat 5-1 në favor të Ferronikelit, i buzëqeshën edhe Prishtinës. Skuadra e Josës, si e dyta në kampionat, do të luajë në kupat e Europes. Ferronikeli e fiton për herë të tretë Kupën e Kosovës.
