Benzema, rikthimi në Francë?
“Don Balon”, raporton se PSG, është gati t’i ofrojë një ofertë të çmendur francezit të Real Madrid, Karim Benzema. Edhe pse 31 vjeç, sulmuesi i “galaktikëve”, konsiderohet mjaft i vlefshëm për vijën e parë të sulmit të parizienëve.
Më parë, numrin 9 të Realit, e ka kërkuar edhe Napoli. Madje jo vetëm Ançeloti, ndërsa e ka stërvitur te Reali, por dhe vetë presidenti i të dytëve të Serisë A, De Laurentis, ka shprehur simpatinë për Benzema.
Sidoqoftë, ekipi nga Parisi, duket më pranë futbollistit. Me Kavanin në dyzim për të qëndruar, kampionët e Francës, e shohin Benzemanë si njeriun ideal për të plotësuar vijën e parë të PSG-së.
Gjithsesi, shifra prej 120 milon eurosh, ofruar nga PSG, duket një shifer marramendëse për një sulmues, si Karim Benzema. Tashmë, “ topi” kalon në kahun e Florentino Perez, presidentit të Realit.
