Leganes “shëtit” në Sevilja, dhe nis festën…
● Sevilja-Leganes 0-3 (En-Nesyri 8’, Braituajt 20’, Oskar Rodriguez 82’) Leganes feston edhe matematikisht qëndrimin në La Liga
Befasia ndodhi në stadiumin “Sanchez Pizhuan”. Në ndeshjen e javës së 36-të skuadra e Seviljas humbi 3-0 në shtëpinë e saj, duke humbur pikë mjaft të rëndësishme, që do t’i siguronin vendin e katërt në zonën Champions.
Me këtë fitore, Leganes nisi festën, pasi edhe matematikisht siguroi qëndrimin në La Liga për sezonin e ardhshëm.
Në gjysmën e pare të lojës, En-Nesyri në të 8′ dhe Braituajt në të 20′ ndëshkuan me gola një Sevija të pakujdesshme dhe jo shumë të përqendruar, ndërkohë që në të 82’, Oskar Rodriguez fiksoi fitoren 3-0 të Leganes.
