Antonio Korbalan, Kasijas e ka mbyllur…
Sipas ish mjekut të kombëtares Spanjolle, Iker Kasijas, duhet të largohet nga sporti profesionist.
Pas infartit dhe frikës për legjendën spanjolle të portës Iker Kasijas, vijnë lajmet e para pas diagnostifikimeve të fundit. Kasijas ka nisur rekuperimin, por me gjasë, ish-kampioni i botës në Afrikë të Jugut me Spanjën në 2010-ën, do duhet të bëjë stop për tre muaj.
Sipas asaj që raportohet nga bordi i tij, Kasijas 37-vjeçar, do marrë një vendim në shtator, ndërsa me shumë mundësi, do të heqë dorezat dhe do varë këpucët në gozhdë. Dyzimi vjen, pasi mjeku i Portos, ka deklaruar se Kasijas, do rekuperojë dhe pas një periudhe 100-ditore, do jetë gati. Por ish-mjeku i “furive të kuqe”, thotë të kundertën.
Antonio Korbalan, ish-mjeku i Spanjës e thotë në mënyrë të prerë: “Iker pas asaj ndërhyrjeje, nuk duhet të kthehet të luajë. Ai do kthehet të bëjë një jetë të qetë, por kurrë më si sportist profesionist”– shprehet mjeku spanjoll