Alegri largon zërat, te Juvja edhe një sezon
“Kam dhe një vit kontratë”. Kështu i është përgjigjur pyetjes Maks Alegri, trajneri juventin, i cili i deklaroi Fabio Facios në “Che tempo che fa” (Rai Uno), se nuk ka ndërmend të largohet nga bardhezinjtë.
Me 5 javë nga fundi kampion? “Po, jemi me pushime pak më herët. Ishte mirë të mos shkonim, sepse Championsi mbeti i pakaluar. Sporti është i bukur edhe për faktin se i gëzohemi fitoreve dhe pranojmë humbjet. Nuk mund të fitohet gjithnjë”. Më tej Alegri u zgjat jashtë Italisë.
“Championsi është i vështirë. Dikush tha që Juve nuk e fiton trofeun europian prej 23 viteve dhe është e vërtetë, por në 5 vitet e fundit, niveli i skuadrave europiane është rritur ndjeshëm,”-u justifikua trajneri kampion i Serisë A.
