Nejmar në telashe, tri ndeshje pezullim
UEFA kundër sulmeve të rrjeteve sociale. Ai që e pëson është Nejmar, i cili pas humbjes së PSG kundër Mançester Junajtid, në Ligën e Kampioneve, bëri gjeste jo të pëlqyeshme. Komisioni Disiplinor e ka skualifikuar sulmuesin brazilian për tri takime, për “aktet ofenduese dhe sjelljen ndaj zyrtarëve të ndeshjes”.
Një qëndrim i ashpër, i cili e dënon rëndë lojtarin, që u përfshi me mosdakortësinë ndaj gjyqtarit të ndeshjës Damir Skomina në fushë dhe Masimiliano Irratit në sistemin VAR. Shkaku, prekja e topit me dorë nga Kimpembe.
“Ky është një turp, ata vendosin njerëz që nuk e kuptojnë futbollin,” – pati thënë braziliani. Por Nejmar, nuk ka qëndruar rehat. Në profilin e tij në Instagram, ka sulmuar hapur gjyqtarët dhe sistemin VAR. Shpërthim, që tani do t’i kushtojë tri ndeshje pezullim. Një skualifikim që ylli i PSG-se do të duhet ta shlyejë në Ligën e Kampionëve të edicionit të ardhshëm.