Motori i parë, Doviciozo
Startoi sot në Katar, “MotoGP”, sezoni i ri i motorave. Në Losail, Andrea Doviciozo me “Dukatin” e tij, u bë fituesi i parë për llogari të sezonit të ri.
Italiani 32-vjeçar u shfaq flutures në garën e fundit, duke dërguar në festë gjithë skuderinë e “Dukatit”. Finale e gjitha drithëruese, ndërsa Doviciozo u desh të fitonte me “fotofinish” ndaj kampionit të botës në fuqi, spanjolit Mark Markez.
Në podin e nderit u ngjit edhe Kratçlou. Si Markez, ashtu dhe Kratçlou, garuan për “Hondën” që gjithsesi, duket se do të jetë sërish protagoniste e madhe e edicionit.
Për “doktorin”, vetëm vendi i 5-të. Italiani me “Yamaka”, u nis nga vendi i 14-të, teksa pas shumë parakalimesh, Valentino Rosi, ia doli të vijë deri në afërsi të medaljeve, por pa mundur dot të kapërcejë fituesit.
