Skënderbeu e bën ‘rrugë’ me Vllazninë, e lë prapa në ‘Final Four’
Skandaloze në tribuna, tifozët nuk preferojnë një finale për vend të tretë Abissnet Superiore
Final Four:
Skënderbeu – Vllaznia 3-2 (Nikaj 11′, Liço 16′, Rashica 31’/ Mala 42′ pen, Balaj 80′ pen)
Skënderbeu e mbylli kampionatin i treti në renditje. Gjithçka u vendos pas finales së vogël të “Final Four” ku korçarët mposhtën Vllazninë në shifrat 3-2.
Shumë shpejt Skënderbeu surpriozi kuqeblutë me Nikajn që ndali sferën në rrjetën e Qarrit duke hapur kështu festivalin e golave. Vetëm pesë minuta më vonë Liço dyfishoi shifrat pas një goditjeje nga këndi.
Edhe dy gola të tjerë u shënuan pa përfunduar pjesa e parë. Rashica për korçarët nuk gaboi për të tretin, ndërsa Mala ngushtoi shifrat falë një 11-metërshi.
Shkurtoi akoma më shumë diferencën Balaj pak minuta nga përfundimi i kohës së rregullt sërish me penallti teksa u pakësua dhe numri i lojtarëve në fushë për Vllaznisë pas kartonit të dytë të verdhë drejtuar Stojanoviç.
Gjithçka përfundoi në shifrat 3-2 me Skënderbeun që fikson vendin e tretë, ndërsa Vllaznia mbylli e katërta me shkodranët që kanë siguruar Europën falë dënimit të korçarëve./Sara Gjidiaj/
