Holanda tri pikë ndaj Polonisë vendos Veghorst
EURO 2024, Grupi D:
Poloni – Holandë 1-2
Ndeshja Poloni – Holandë e vlefshme për Grupin D të EURO 2024 u vendos në 10 minutat e fundit të kohës së rregullt. Holandezët siguruan fitoren minimale në shifrat 1-2 vetëm falë Veghorst pas shumë minutave ku polakët i vunë edhe në vështirësi.
Dy gola të shënuar në pjesën e parë me Buksa që i dha i pari avntazhin Polonisë dhe Gakpo që barazoi për holandezët pak minuta më vonë. Thuajse e barabartë sfida me rastet e krijuara nga dy ekipet, por balanca prishet në fund.
Në momentin më të mirë të polakëve, Veghorst kthehet në hero sapo hidhet në fushën e lojës duke siguruar këtë fitore për Holandën në nisje të aventurës së tyre europiane. Grupi D kryesohet pikërisht nga Holanda, teksa Austria dhe Franca do të përballen ditën e nesërme.
