Të premten/ Erzeni ndaj Tiranës, Kukësin vetëm fitorja e mban…
Nuk ka kohë për ‘frymëmarrje’. Abissnet Superiore do të rikthehet të luajë javën e 32-të këtë të premte. Në fakt, në këtë ditë, sipas Departamentit të Garave në FSHF, janë parashikuar dy takime pasi një ditë më vonë, zhvillohen tre duelet e tjera.
Erzeni- Tirana starton të premten në orën 15:00, me shijakasit në shansin e radhës për të kërkuar qëndrimin në Superiore. Për Tiranën, alternativa e vetme për të listuar vetën te Final 4, është fitorja.
Një tjetër finale mbijetese zhvillohet po në 15:00 në ‘Kukës Arena’. Kukësi- Skënderbeu (dikur duelonin për trofe), këtë fundjavë me llogari ekstreme. Për verilindorët dështimi ndaj korçarëve do të “zyrtarizonte” të rrëzuarën e parë sezonale. /Sportiim.al/
E premte:
Erzeni-Tirana 15:00 (në Rrogozhinë)
Kukësi-Skënderbeu 15:00
E shtunë:
Laçi-Egnatia 15:00
Teuta-Vllaznia 18:00
Partizani-Dinamo Siti 18:00 (në ‘Air Albania’)