‘Zvicër 2025’/ Shqipëria e vajzave thyhet nga Luksemburgu

Nga Sporti Im 1 muaj më parë

Women/ Liga C, Grupi C5: Luksemburg- Shqipëri 2-1

Shqipëria e femrave në futboll, e nis keq aventurën e saj në fushatën kualifikuese për Kampionatin Europian “Zvicër 2025”. Skuadra kuqezi u mposht me përmbysje në transfertë nga Luksemburgu me rezultatin 2-1 në ‘Emile “Mayrisch”.

Edhe pse vajzat e teknikut Grima ishin më kërkuese teksa shënuan në minutën e 43-të me Luçije Gjinin, në të dytën, Luksemburgu barazoi shifrat në minutën e 68-të me Sharlote Shmit.

Në fund kur të gjithë prisnin sinjalin e ‘barazimit’ luksemburgaset realizuan edhe golin e dytë me Ami Tompson. Kjo ndeshje u gjykua nga austrikja Marina Zeshner.

Ndërkohë me datë 9 prill, Shqipëria e vajzave do të luajë takimin e dytë ndaj Estonisë në stadiumin “Air Albania”. Ndeshja është planifikuar të luhet në ora 20:00, teksa tifozeria është e ftuar të ndjekë këtë takim falas. /Sportiim.al/

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!