Tre sfida, tre finale, Superiorja në hullinë e …pikëve
Abissnet Superiore për javën e 24 ka sot në program 3 ndeshje. Pas Teuta- Kukësi 1-0 dhe Partizani- Tirana 2-1 radha e dueleve Laçi- Dinamo Siti, Erzeni- Skënderbeu dhe Vllaznia- Egnatia.
Të gjitha këto përballje pritet të jenë të luftuara, pasi sikundër dje, të gjitha ekipet e involguara me këtë raund, janë në kërkim të pikëve maksimale.
Ndeshja e Laçit merr përparësi për vetë faktin se si vendasit e Josës ashtu dhe blutë e Mehmetit kërkojnë të futen në vallen e zonës Final Four.
Për më tepër, fitorja e kryqyetasëve do të bënte që 18 herë kampionët e Shqipërisë të mbërrinin Tiranën në vend të 4-ët (kanë dhe një ndeshje për të rekuepruar me Skënderbeun).
Paralelisht Erzeni pret në Rrogozhinë Skënderbeun aty ku shijakasit e kanë detyrim fitoren.
Ndërkohë Vllaznia e cila festoi dje 105 vjetorin e themelimit, do të takohet në Shkodër me Egnatian. Një supersfidë ku protagonizmi vështirë të parashikohet me të dyja skuadrat që po kalojnë momentin më të mirë futbollistik.
Sot:
Laçi- Dinamo Siti 13:30
Erzeni- Skënderbeu 13:30 (në Rrogozhinë)
Vllaznia- Egnatia 17:00
Luajtur dje:
Teuta- Kukësi 1-0
Partizani- Tirana 2-1
