Poçetino: Broja qëndron te Çelsi
Çelsi ka siguruar finalen e ‘Wembley’ me Liverpul për Kupën e Ligës. Trajneri: Broja si Kejn, nuk lëviz.
Poçetino vendos veton dhe paralajmëron se Armando Broja nuk do të largohet këtë janar nga Çelsi.
Poçetino:
“Të gjithë sulmuesit e mëdhenj kanë kërkuar kohën e tyre kur kanë qenë të rinj. Ata duhet që të gjejnë balancën e tyre. Por unë sërish mendoj se Armando Broja ka potencialin të jetë sulmues i jashtëzakonshëm. Procesi kërkon kohë.
Unë e krahasoj gjithmonë Brojën me Herri Kejn. Kejn shkoi në huazim te Lejton, Noruiç dhe u desh disa kohë derisa mbërriti momenti i tij. Në gjashtë muajt tonë të parë, Broja filloi të luante vetëm në dhjetor dhe në janar dhe atëherë nisëm të shihnim potencialin e tij.
Ka vuajtur një dëmtim të madh dhe është e vështirë. Dhe ne jemi te Çelsi, Broja po përpiqet, por njerëzit bëjnë krahasime me sulmues të mëdhenj si Didier Drogba apo të tjerë, kjo është gjithmonë e vështirë për një djalë të ri”.
