Erzeni i përforcuar, Vllaznia me rikthime, dueli në Rrogozhinë
Dy sfidat e javës së 20 Abissnet Superiore luajtur dje, Kukësi- Egnatia 1-4 dhe Teuta- Tirana 2-2, e lënë stafetën për tre duelet e sotme të kësaj xhiroje në futbolin elitar. Erzeni- Vllaznia, Partizani- Laçi dhe Skënderbeu-Dinamo ndeshjet e kësaj të shtune…
Me fillim orën 13:30, Erzeni do të presë në stadiumin e Rrogozhinës Vllazninë e Shkodrës në një duel i cili pritet të jetë mjaft i luftuar. Shijakasit pasi larguan shumë lojtarë duket se me rikthimin e Kadriut, afrimin e Komolafes, Zogajt, Dakajt, Pujës, dhe së fundi të Junes Bnou Marzuk (ish lojtar i Juventus), e kanë rritur oreksin e pretendimëve.
Te Vllaznia, skuadra më në formë e momentit, llogaritë janë të bëra. Kuqeblutë kërkojnë të ruajnë me insistim zonën ‘Final Four’ dhe për të qënë të qetë në rrugëtimin e tyre, pritet të tentojnë tri pikët e radhës. Zhvillimet e fundit në merkaton hyrje- dalje nuk kanë patur ndonjë ndikim të madh. Sot mungon Krymi për kartonë ndërsa kthehen në formacion Juriç dhe Hakaj.